Cerkak Bahasa Jawa "Nalika Aku Mulih"
Metu saka regol pakunjaran iku rasane dhadhaku dadi mak
plong, lega tenan. Pindhane manuk jalak sing sekawit diingu ing kurungan,
dumadakan diculake ing pategalan. Bebas lepas, kandhang langit kemul mega,
lemek gegodhonganing wit kang ijo seger gumelar ing sajembaring bumi, kanthi
mardika miber saka wit siji marang sijine karo nglirak-nglirik mbok menawa ana
pangan kang bisa dicucuk. Upama darbe elar, mbok menawa aku uga kaya manuk
jalak iku: kepengin miber keklabak mrana-mrene, sawise telung taun njingkrung
ing pakunjaran.
Cerkak Bahasa Jawa "Nalika Aku Mulih" |
Biyen nalika aku budhal saka omahe guruku mbah Wangsa
Kanthil disangoni gaman Ian ngelmu kanuragan, aku yakin banget yen anggonku
nglakoni dadi maling ora bakal tau kecekel. Nanging ana bebasane wong tuwa:
sapinter-pintere penekan, kethek iku ya sok tiba. Kaya aku iki,
sapinter-pintere maling akhire ya kecekel.
Sawuse dadi maling nganti meh rolas taun, lagi sepisan ing
bengi iku aku rumangsa siyal tenan. Gagal lan gagal total tenan. Wis ora entuk
apa-apa kathik kecekel pisan. Digebugi wong akeh nganti babak belur. Tujune
njur ana pulisi teka. Aku cepet diamanake saka amukane wong akeh, digawa
menyang tahanan pulisi.
Kedadeyan sateruse saben wong wis ngerti: aku diadili ing
kantor pengadilan, Ian keputusane diukum ing pakunjaran. Telung taun dak lakoni
ing jero pakunjaran iku kanthi ati kelara-lara. Mesthi wae kabeh sing ana kono
iku durjana, embuh maling, embuh tukang copet, embuh tukang jambret kaya aku
iki, Ian jinis wong elek-elek liyane. Nanging ana wong siji sing beda karo
Iiyane, wonge sumeh nanging arang guneman. Saben dina mung ngetung-etung tasbeh
karo lambene umak-umik dikir. Kanca-kanca liyane mung nglirak-nglirik sajak
ngece marang wong iku, nanging ora ana sing nggenahake apa sababe dheweke duwe
patrap mengkono.
......Baca Selengkapnya ....Baca Juga : Cerkak Bahasa Jawa "Wong Lanang"
Dapatkan Cerkak bahasa jawa "Nalika Aku Mulih" format Ms. Word pada link di bawah ini :
Cerkak Bahasa Jawa "Nalika Aku Mulih"
2 komentar
IJIN SAVE YAH GAN
ini nama pengarangnya siapa ya min